സ്വപ്നം കാണാന്‍ എന്തിനാ കാശ്.

ഓഫീസിസില് ഒന്നും ചെയ്യാനില്ലാതെ ചുമ്മാ കുത്തി ഇരിക്കുമ്പോളാണ് അഷിഫിന്റെ മെയില്‍ വന്നത്. ഒന്ന് നോക്കെടാ എന്നായിരുന്നു അതില് അവന്‍ പറഞ്ഞത് ഞാന്‍ ഒന്നല്ല അര നോക്കിപ്പോളെ കാര്യം ഓടി ലവന്‍ തന്നെ ഫിഷിംഗ്( അതെ ഈ ലോട്ടറി അടിച്ചൂന്നൊക്കെ പറഞ്ഞു മെയില്‍ വരില്ലേ അത് തന്നെ).

അവനെതാണ്ട് 1 million pound ലോട്ടറി അടിച്ചെന്നും നമ്മുടെ ആശാന്‍ ചെക്കും tax അടക്കാനുള്ള പേപ്പറും എല്ലാം ആയി ഇന്ത്യക്ക് വണ്ടി കേറിയെന്നും അയ്യാള് വന്നാല് നിങ്ങളെ വിളിക്കാന്‍ വേണ്ടി മൊബൈല്‍ നമ്പരും പിന്നെ ഇങ്ങടെ ഒരു ID proof അയച്ചു തരാനും പിന്നെ നിങ്ങള് അങ്ങേരെ കണ്ടിട്ട് ചുമ്മാ ഒരു ID കാണിച്ചാല് ആ ചെക്ക് തരുമെന്നും ആണ് ചുരുക്കം.

നമ്മക്ക് പിന്നെ പണ്ടേ ഇതേ പോലെ microsoft yahoo ലോട്ടറിയും പിന്നെ ഹൈധ്രാബാധ് രാജാവിന്റെ സ്വത്തും ഒക്കെ തരമെന്നുള്ള പ്രലോഭനങ്ങള്‍ പണ്ടേ വന്നിട്ടുള്ളതിനാല്‍ , അന്നത്തെപ്പോലെ ഇന്നും നമ്മക്ക് കാഷിനോട് യാതൊരു ആഗ്രഹവും ഇല്ലാത്തതിനാലും ( കിട്ടൂല്ല എന്ന് ഉറപ്പുള്ളത് കൊണ്ടാണ് കേട്ടോ അല്ലെങ്കില്‍ അമ്പലത്തില് തേങ്ങ ഒടച്ചപോലെ ഞാന്‍ ചാടി വീഴുമെന്നുള്ളത് സ്വാഭാവികം. ) ഇതും പുല്ലു പോലെ തള്ളിക്കളയാന്‍ ഞാന്‍ അവനെ ഉപദേശിച്ചു , ശരി മാഷേ എന്ന് മറുപടിയും വന്നു. അങ്ങനെ അത് വിട്ടു.

ഏകദേശം രാത്രി ഒരു ഏഴു ഏഴര എഴെമുക്കാലയപ്പോള്‍ രണ്ടു റൊട്ടിയും തട്ടി ഇങ്ങനെ നിക്കുംബ്ബോളാണ്‌ ആസിഫിന്റെയും മറ്റു ലവന്മാരുടെയും വരവ്.കാരണം അവര്‍ക്ക് എന്നെപ്പോലെ ഓഫീസില്‍ ചൊറീം കുത്തി ഇരുന്നാല്‍ മൂട് കീറും എന്നുള്ളതിനാലാണ് താമസിച്ചുള്ള ഈ വരവ്.അവന്മാര് ഭക്ഷണം കഴിക്കുമ്പോള്‍ നമ്മുടെ ജൂനിയര് പെണ് പടകള്‍ പഠിത്തം കഴിഞ്ഞു തിരിച്ചു ഹോസ്റെല് പിടിക്കാന്‍ പോകുന്നു സ്വാഭാവികം ഞാനും നോക്കി നിന്ന് (നോക്കി നിക്കാനുള്ള കാരണം ഞമ്മടെ ലവള് അതിനിടയില്‍ ഉണ്ടാവും എന്നത് കൊണ്ടാണ് അല്ലാതെ ഞാന്‍ നിങ്ങള് കരുതുന്ന പോലെ ഒരു വായി നോക്കി ഒന്നും അല്ല).

അപ്പോളാണ് ആസിഫു പയ്യെ ഫോണുമായി പുറത്തേക്കു വന്നത് ലവന് ഇംഗ്ലീഷില്‍ എനിക്കൊന്നും മനസിലാവുന്നില്ല എന്ന് പറയുന്നത് കേള്‍ക്കാം എന്നിട്ട് ആ പന്നി എന്റെ കയ്യില് ഫോണ് തന്നിട്ട് പറയുവാണ് എടാ ഒന്ന് നോക്ക് ,(ഞാനാണെങ്കില്‍ ലവള്‍ക്ക് മലയാളം അറിയാത്തത് കൊണ്ട് ഇന്ഗ്ല്ഷില്‍ അവളുമായി താണ്ടവമാടുന്ന സമയമാണിത്.അത് കൊണ്ട് ഭാഷയൊക്കെ ഇച്ചിരി മെച്ചപ്പെട്ടു എന്നത് സത്യം) ഞാന്‍ പയ്യെ ഫോണെടുത്തു ചെവിയില്‍ വച്ച് $%#%^!@%#^(!&#(*&!@#**@^!#^*^!@*^#&*!@#*^ ബ്ല ബ്ല ബ്ല ബ്ല ,

കര്‍ത്താവെ ഇതെന്ന ഇന്ഗ്ലിഷനെന്നു നോക്കണേ ഒന്നും മനസിലാവുന്നില്ല, പിന്നെ ഒരു ചെവി അടച്ചു പിടിച്ചു സൂക്ഷിച്ചു കേട്ടപ്പോള്‍ സംഭവം ഓടി.

ഇത് ലവനാണ് from englandu വിളിക്കുന്നത്‌ നമ്മുടെ മുമ്പില്‍ നിന്നും അവന്‍ പറഞ്ഞതിന്റെ സാരം ഇങ്ങനെ അവന്റെ കയ്യില് ചെക്കുണ്ട് നാളെ ലവന്‍ ബംഗ്ലൂര്‍ airport ല് വന്നു ചാടും ഈ പൈസ ഒന്ന് തന്നിട്ട് തിരിച്ചു വേഗം വീട് പിടിക്കണം പോലും.

ലവന്‍ പറഞ്ഞത് ഇപ്പോള്‍ മുംബൈയ്യില്‍ നിന്നുമാണ് വിളിക്കുന്നതെന്നാണ്.

നമ്മള് നമ്പര് നോക്കി പറഞത് ശരിയാണ്,എന്തൊക്കെ പറഞ്ഞാലും അവസാനം നമ്മള് പറ്റിക്കപ്പെടും എന്നുള്ള നഗ്ന സത്യം വിത്ത് ഉദാഹരണം ഞാന്‍ പറഞ്ഞു കൊടുത്തു.എന്നാലും മനസിലൊരു എടുത്തു ചാട്ടം ഞാന്‍ നോക്കി എല്ലാവരുടെയും മുഖം എന്തോ തലയ്ക്കു തേങ്ങ വീണപോലെ.

ഞാന്‍ എന്റെ ഉള്ള അറിവ് വച്ച് പറഞ്ഞു ആഗ്രഹിക്കുന്നതിന് യാതൊരു കുറവുമില്ലതവരാനല്ലോ എല്ലാവര് ഒരു സ്മാള്‍ കണക്കു കൂട്ടല്‍ , 1 million എന്നാല്‍ 10 ലക്ഷം , ഒരു പൌണ്ടിന് മിനിമം 80 വച്ച് 8 കോടി രൂപ. കര്‍ത്താവെ മത്തായി ഇതാ വരുന്നേ എന്ന് പറഞ്ഞ പോലെ എല്ലാവരിടെയും മുഖം ഒന്ന് തെളിഞ്ഞു കൂടെ ആവശ്യവും കൂടി.അവരവുടെ ടിമാണ്ടുകള്‍ അസിഫിന്റെ മുന്‍പാകെ സമര്‍പിച്ചു, കഞ്ഞിക്കുഴിക്കു ( ഒരു കഥാപാത്രമാണ്) വെറും 4 ലക്ഷം മതി അവന്റെ ലോണ് അടച്ചു തീര്‍ക്കാന്‍ ,ദീപുവിനു ഇച്ചിരേം കൂടി കൂടുതല്‍ വേണം ഒരു 20 ലക്ഷം വേണം എന്തിനാന്നു ചോദിച്ചപ്പോള്‍ ബാങ്കിലിട്ടു വീട്ടില്‍ വെറുതെ ഇരിക്കാനാണ് പോലും ഈയുള്ളവന്‍ പാവം വെറും കിട്ടുന്നതിന്റെ പകുതി മാത്രമേ ചോദിച്ചുള്ളൂ,(എനിക്ക് പണ്ടും ആര്‍ത്തി ഇല്ല എന്ന് ഞാന്‍ പറഞ്ഞതാണല്ലോ).

ഇതിന്റെ എല്ലാം ഉടമസ്ഥനായ അസിഫകട്ടെ കിട്ടാത്ത പുളീടെ തൊണ്ട് മാത്രം നമ്മക്ക് ഓഫാര് ചെയ്തു നമ്മക്ക് ഒരു ഫ്ലാറ്റ് വാങ്ങാം ആ ഫോറം ഷോപ്പിംഗ്‌ മാളിന്റെ അടുത്തുള്ള അവിടെ നിന്ന് എന്നിട്ട് നമ്മക്കൊന്നിച്ചു താമസിക്കാം എന്നുള്ള വളരെ തുച്ചമായ കാര്യം വാക്ക് തരുകയും ചെയ്തു. കിട്ടുന്നത് കൊണ്ട് എന്ന് പറഞ്ഞ പോലെ നമ്മള്‍ ബാക്കി പൈസ എന്നാ ചെയ്യുമെന്നുള്ള ചര്‍ച്ച തുടങ്ങി .

ഒരുവന്‍ എടാ നമ്മക്കൊരു സോഫ്റ്റ്‌വെയര്‍ കമ്പനി തുടങ്ങാം , അപ്പൊ അടുത്തവന്‍ എടാ അത് പണിയാ നമ്മക്ക് ഒരു പഴയ കമ്പനി വാങ്ങാം അതെന്താ എന്ന് കാരണം ചോദിച്ചപ്പോള്‍ ഇപ്പം പുതിയ പ്രോജക്റ്റ് കിട്ടാന്‍ പാടാണ് പഴയ കമ്പനി ആകുമ്പോള്‍ ഒള്ള പ്രോജക്ടും കൊണ്ട് ഓണം ഉണ്നാല്ലോ എന്നുള്ള മറുപടിയും വന്നു.(നോക്കണേ ചിന്ത എവിടെ വരെ പോയെന്നു.)

പിന്നെയും ബാക്കി പൈസ എന്നാ ചെയ്യുമെന്നതിനെ കുറിച്ച് പല അഭിപ്പ്രായങ്ങളും വന്നു. എന്റെ തലയിലും നമ്മുടെ പാലാക്കാരന്‍ അച്ചായന്റെ ബുന്ധി ഓടി( ഞാനൊരു പാവം പാലാക്കരനാണ്),

എടാ നമ്മക്ക് കാസര്‍ഗോട് പോയി ഒരു 100 ഏക്കര് റബ്ബര്‍ തോട്ടം വാങ്ങി ഇടാം കണക്കും ഞാന്‍ വിവരിച്ചു കൊടുത്തു. ഏക്കറിന് 5 ലക്ഷം സ്ഥലം കാസര്ഗോടയതിനാല്‍ വില കുറവ്. 100 ഏക്കറിന് 5 കോടി പിന്നെ നമ്മള് വില പേശി ഒരു നാലര കൊടിക്കൊതുക്കാം ബാകി tax എല്ലാം കഴിഞ്ഞാലും ഒരു കോടി കയ്യിലുണ്ട് ,പിന്നെ വരുമാനമാനെല് ഒരു എക്കരീനു 5 ഷീറ്റ് കിട്ടും അതായത് 500 ഷീറ്റ് ഒരു ദിവസം മാസത്തില്‍ 15 ദിവസം വെട്ടിയാല്‍ 7500 ഷീറ്റ് ,ഒരു ഷീറ്റ് ഏകദേശം 800 ഗ്രാം ടോട്ടല്‍ 6000 കിലോ ഒരു മാസം ഇപ്പോഴത്തെ വില അനുസരിച്ച് 6000 * 160 =9,60,000 രൂപ പിന്നെ ഒട്ടുപാലും ,ചണ്ടി പാലും ഒക്കെ വിട്ടാല്‍ പണിക്കാര്ക്ക് കൂലിക്കുള്ളത് കിട്ടും സ്ഥലം വേണമെങ്കില്‍ എന്റെ അപ്പന്‍ ഒപ്പിച്ചു തരു വെറും 3% കമ്മീഷന്‍ ( ചുളുവില്‍ 5 കൊടീന്റെ 3% 15 ലക്ഷം അപ്പന്റെ പോക്കറ്റില്‍ വീഴുമെന്നുള്ള യാതൊരു ധുരാഗ്രഹവും എന്റെ മനസ്സില്‍ ഇല്ല എന്നുള്ളത് സത്യം). എന്റെയീ തിരുമാനം മോശമില്ല എന്നുള്ള പ്രതികരണങ്ങള്‍ ഒക്കെ കിട്ടി തുടങ്ങി.

അപ്പൊ പിന്നെ ഒന്ന് കൂടി വിളിച്ചു സായിപ്പിന്റെ കയ്യില്‍ ചെക്കുണ്ടോ എന്ന് അന്വേഷിക്കമെന്നായി.

അങ്ങനെ ഹോസ്റലില്‍ എത്തി പയ്യെ സായിപ്പിനെ തിരിച്ചു വിളിച്ചു ഒള്ള ഇന്ഗ്ലെഷില്‍ കാര്യം പറഞ്ഞു മനസിലാക്കിയപ്പോള്‍ 100 ഏക്കര് റബ്ബര്‍ തോട്ടം കാസര്‍ഗോട് കബനി പുഴയില്‍ ഒഴുകിപ്പോയി, കാരണം അയ്യാക്ക് 6000 രൂപ വേണമത്രേ എന്തോ ഒരു ഫീസാണ് പോലും എല്ലാവരുടെയും പേഴ്സില്‍ നല്ല പൈസ ഒള്ളത് കൊണ്ടും തട്ടിപ്പാണെന്ന് ഉറപ്പായത് കൊണ്ടും ഞങ്ങള് ആ കേസ് വിട്ടു. അങ്ങനെയാണെങ്കിലും ഒരു 2 മണിക്കൂര് നേരത്തേക്ക് എങ്കിലും കൊടീശ്വരനാക്കിയ കര്‍ത്താവിനു നന്ദി പറഞ്ഞു ഞങ്ങള്‍ പയ്യെ കിടന്നുറങ്ങി.

പിറ്റേ ദിവസം ഓഫീസില്‍ നിന്നും വന്നപ്പോഴനത്രേ പറഞ്ഞത് അയാള് രാവിലെ വീണ്ടും വിളിച്ചു പോലും ഇപ്പോള്‍ airport ലാണ് ഉള്ളതെന്നും അഡ്രസ്സ് പറഞ്ഞാല്‍ അങ്ങ് വരാമെന്ന് പറഞ്ഞത്രേ , പൈസ ഇല്ല എന്ന് പറഞ്ഞപ്പം ഒരു 4000 എങ്കിലും തരണമെന്ന് പറഞു പുള്ളി കരഞ്ഞത്രേ. ഈ സായിപ്പന്മാരൊക്കെ ഇതത്ര എച്ചികലായിപ്പോയോ.

അടിക്കുറുപ്പ്‌: സോഫ്റ്റ്‌വെയര്‍ കമ്പനി തുടങ്ങാമെന്ന് പറഞ്ഞപ്പളെ കഞ്ഞിക്കുഴി ,ദീപു,കൊള്ളി,പച്ച( പഴേ പച്ച തന്നെ )എന്നിവര്‍ ചേര്‍ന്ന് പിറകിലൂടെ പോയ ദര്‍ശനെ പിടിച്ചു മാനേജര്‍ ആക്കാമെന്നും പറഞ്ഞു ഇന്റര്‍വ്യു നടത്തിയത്ത്രെ.